Nyhende:

Endeleg rullar fotballen igjen!

FotografiPosted by FotoKnutsen 20 Mar, 2010 23:10

Vel heime frå Bangladesh har det blitt lite blogging. Men det betyr ikkje at eg ikkje tek bilete. Tippeligaen er allereie godt i gang og det betyr fotballkamp nærast kvar veke. Skal prøve å oppdatera bloggen med bilete jamnleg framover. Her frå kampen mellom Stabæk og Vif i gymsalen på Fornebu, like utanfor Tigerstaden. Kampen enda 1-1.

• Comments(1)http://blogg.mariusknutsen.net/#post35

Det går mot slutten...

FotografiPosted by FotoKnutsen 06 Feb, 2010 08:46

Då er det redigering for alle penga her på Grand Park Hotell i Chittagong, Bangladesh. Rundt på dei forskjellige romma sit den eine meir frustrert enn den andre. Men det får berre vere. No er me ferdige med å ta bilete. No skal me laga kvar vår presentasjon.

I morgon har me booka lokala til Alliance France her nede i Banglaland. Ryktene seier at det kjem til å bli stinn brakke med både kjende og ukjende. Nokre andre rykter hintar til at gjengen på Alliance France har ein "hemmelig" vinklubb i kjellaren. Det blir spennande og sjå om ryktene er sanne eller usanne. Litt av kvart hadde kanskje vore å foretrekka.

Har posta nokre bilete av dei gode arbeidsforholda me har hatt undervegs her nede i Chitta. Det er ikkje berre berre å gå gatelangs med kvite leggar og blondt hår. Folk lurer på kven du er, og ikkje minst kva for eit land du kjem i frå. Dei vil gje deg te og mat og visa deg kvar dei bur. Men dei er jo hyggjelege, då.

• Comments(1)http://blogg.mariusknutsen.net/#post34

Forkjølte fotografar

FotografiPosted by FotoKnutsen 02 Feb, 2010 15:12

Me jobbar på, men slit litt med helsa. Fleire bilete og meir tekst er på veg.

• Comments(3)http://blogg.mariusknutsen.net/#post33

Fotballspeling med dei innfødte

FotografiPosted by FotoKnutsen 31 Jan, 2010 19:03
I dag har eg vore på jobb i nokre timar i klesområdet i Chittagong. Men eg fekk også tid til å spela litt fotball saman med dei innfødte (Fartein har teke bileta av meg i aksjon). Det var morosamt. For ein gong skuld forsto alle kvarandre. Fotball er og blir ein internasjonal sport og eit internasjonalt språk.

Elles så såg eg ein hane i dag. Men den var desverre singel, i bur og ikkje særleg i kampmodus. Får vel berre gi opp hanekamp-storyen min. Har forøvrig også funne ut at dei sel øl på nabohotellet. Det er kjekt med ein øl etter lange dagar bak kamera.

• Comments(3)http://blogg.mariusknutsen.net/#post32

Fleire reportasjebilete!

FotografiPosted by FotoKnutsen 31 Jan, 2010 18:50

Eg jobbar framleis med den same reportasjen, frå den same bydelen. Eg gjer litt kvar dag. Det er kjekkare no om dagen. Eg føler det går bedre og bedre.

• Comments(0)http://blogg.mariusknutsen.net/#post31

Ny fabrikk - ny iver!

FotografiPosted by FotoKnutsen 30 Jan, 2010 15:33

I dag var første vellukka dag på jobben på ei rimeleg god stund. Det smakte godt. Betre enn den stekte risen eg hadde til lønsj.

Eg jobbar no i "Garments Area" i Chittagong. Det er eit området på omlag ein kvadratkilometer, kor det jobbar mange tusen menneske nærast døgnet rundt. Dei lagar klede som ikkje blir eksportert. Dei har ikkje straum, og bur i dei små fabrikklokala sine. Eg meinar å ha sett born heilt ned i sju-åtte års alderen med både saks og synål. Trist og visuellt på ein gong.

Elles så kan eg anbefala kull-tabelettar ved laus mage, dei funkar. Føler også at det er verdt å nemne at dette er fjerde dagen utan snus.

• Comments(1)http://blogg.mariusknutsen.net/#post30

Opprør i CTG: Marked vs. marked!

FotografiPosted by FotoKnutsen 29 Jan, 2010 05:43

I dag kom me over litt action. Eller. Det vil seie, me kom over ein plass det hadde vore litt action. To klesmarked i Chittagong hadde nemleg braka saman. Slik som eg har skjøna det, har dei brent opp kvarandre sine klesbodar fordi motparten har stått på feil området. Eller noko slikt. Det var uansett utruleg mykje politi i gatene. Folk sprang rundt og skreik. Det lukta svidd. Og på bakken framfor knuste butikkar låg det brente klesrestar.

• Comments(4)http://blogg.mariusknutsen.net/#post29

På tur til skilpaddedammen

FotografiPosted by FotoKnutsen 27 Jan, 2010 18:09

Kva gjer ein når det buttar litt i mot? Jo. Ein tek turen til skilpaddedammen i Chittagong. Den skilpaddedammen som rommar dei lukkebringande skilpaddene, om det skulle vera fleire av dei. Folk kjem nemleg langvegsifrå for å sjå denne dammen, og for å få lov til å klappa desse skilpaddene. Dei vaskar seg også i det ikkje så alt for reine vatnet. Det gjorde ikkje eg. Heller ikkje kona til Per Anders, læraren vår, som også var med meg på turist-turen.

Det som er litt morosamt er jo at sjølv om eg klappa to av dei lukkebringande skilpaddene på ryggen, gjekk det "megaskeis" seinare på dagen. Eg hadde nemleg ein avtale med jenta frå klesindustrien. Eg møtte opp, hadde med meg to tolkar, ein mann og ei dame. Me traff Moni utanfor fabrikken. Men etter eit par minuttar med diskutering fram og tilbake, på Bengali, så stakk ho sin veg. Og sidan har eg verken høyrt eller sett noko til ho.

Det betyr at eg må finna meg ein ny klesfabrikk i morgon tidleg. Det gjer meg i grunn ingenting. For eg likte slett ikkje å jobba på den fabrikken i Baluchara. Kanskje skilpaddene bringte litt lukke likevel?

• Comments(0)http://blogg.mariusknutsen.net/#post28